Naari

Greetings. Jai jinendra.
Once i read a sentence about women stating
"Hotel mai badhti bheed aurato k taraki ki nishaani h"

Ofcourse people have their own mouth so they think they can speak ill about a whole community or gender.

Now what if i say hotels mai badti bheed puruso k kitchen mai fail hone ki nishaani h...

Sorry but fail hone k liye u need to try first.

Jab vo sehti thi na tab bhi badnaam thi,
Aaj udane nikali h toh bhi badnaam hai.

Here's my poem on NAARI

Jaane tha uska kaunsa ghar vo paraai thi,
Yeh gutti usko janam se hi pillai thi

Sadiyo se mili chulle chauke ki jimmedari thi,
Uski khawisho ki nahi kisiko jaankari thi

Fursat mai sambhalti silai kadai bunaai thi,
Hoti na kabhi uske hunaar ki wah wahi thi

Yoovan se pehle hi kardi uski sagaai thi,
Be-umar hi jawani usko samjai thi

Rani ho yaa naukari mehaaj ek gharani thi,
Chaar deewari mai qaid ek shi kahani thi

Usse kaha koi sampati naam karvani thi,
Vo toh keval pyaar or samaan ki deewani thi

Gungaat yaa parda yehi uski saachi thi,
Sati yaa Zohar har rit usne nibhai thi

Uske badam pe darindgi ki yeh kesi nishaani thi,
Itne par bhi vahi jaane kyu paapi therai thi

Uske lafzo ki yaha hoti na kabhi sunwaai thi,
Sita ki pavitrata bhi sabne agni pariksha se manvaai thi

Badti dab dabaai mai uski rooh tak kaapi thi,
Sabr ka bandh tuta sab badlne ki uski baari thi

Gungaat chod bandishe tod ki naaye dor ki aagai h,
Badte hossle aur himmat se kismat apni sajai h

Har kadam samne paai ek nayi ladai h,
Lad jamane se badi masakat se ijjat kamai h

Khawishe soon sapne chun apni dharohar banai h,
Batao jara uski kamai mai kya burai h

Samajik aarthik rajnaitik sab mai nazar aayi h,
Aakade bhi dete uske maujudgi ki gawaai h

Darindgi bemaani gadari ko vo samne layi h,
Sach ko sach galat ko galat baat yeh bejijal batati h

Khokhli rivaayatko bhi usne dhul chatai h,
Ekta pyaar samanta ki bhasa usne sikhai h

Ghar daftar bache rishte sab sambhal pai h,
Uske safalta ki khusboo kan kan mai samaai h

Kandha majbut adab adbhut pad rahi vo bhari h,
Soch atal tej chal badal rahi vo duniyadaari h

jald hi hukumaat ki kar rahi vo tayaari h
Agli baar soch samaja k kehna k vo toh ek NAARI h

Thank you